Dellova: Kjo fitore na jep shumë vetëbesim, të marrim edhe tri pikë të tjera dhe ta kryesojmë grupin pse jo

19:38 | 12 Tetor 2024
D.H

Kosova mori fitore të madhe në udhëtim tek Lituania me rezultat 1-2 në kuadër të ndeshjes së tretë në Ligën e Kombeve.

Ish-futbollisti i Ballkanit, Lumbardh Dellova startoi sot me kombëtaren ku tregoi performancë të jashtëzakonshme, shkruan Arbresh.info.

Pas ndeshjes për faqen zyrtare të FFK-së, ai tha se është i lumtur dhe synim për të është kryesimi i grupit.

“Jemi të gëzuar për këtë fitore sepse duke marrë parasysh edhe terrenin që ishte shumë i vështirë, nuk ishte i përshtatshëm për lojën që donim ta luanim, por me rëndësi ishin tri pikët dhe vazhdojmë kështu. E kemi lojën me Qipron dhe kjo fitore na jep shumë vetëbesim dhe e jona mbetet që të vazhdojmë kështu dhe të marrim edhe tri pikë të tjera dhe ta kryesojmë grupin pse jo”, deklaroi Dellova.

Ndeshja e radhës e “Dardanëve” është me Qipron të martën në “Fadil Vokrri” me fillim nga ora 20:45./Arbresh.info